مصر بلد الامن والامان

مصر بلدنا حلوة ومافيهاش مشكلات..
مش ممكن
تسمع فيها لا صراخ ولا آهات..
ولا عمرها مرت بمشاكل فقر وجوع..
ولا ناس فى
عز الفرحة بتنزل منها دموع..
ولا ناس من غير ذنب بتترمى فى معتقل..
ده حتى
يبقى ظلم وكلام لا يعتقل..
مين قال إن الفساد واكل نص البلد..
ولا ناس
بتهرب ملايين وكنوز مالهاش عدد..
مين قالك إن المولود جديد قبل ما يقول
واء..
بيسمع عن جرائم سرقة الأعضاء..
ولا يمكن تصحى الصبح ما تلاقيش
كليتك..
ولا أكل يسرطن جسمك ويدمر معدتك..
ولا منظومة التعليم عندنا فيها
فشل..
ولا فيه راكب مواصلة فى الزحمة واتنشل..
ولا إعلامنا فاشل وخارج
الرقابة..
ده كل برامجنا هادفة ولا فيها مسخرة يابا..
ولا واحد صرف ملايين
عشان يقتل الرقاصة..
ولا شاب مدمن بانجو يحطوا عليه حراسة..
ولا طردوا عمرو
خالد عشان نادى بالحجاب..
ولا كل شيخ فى جامع بيقولوا عليه إرهاب..
ولا
عبارة مرة غرقت وصاحبنا هرب وطار..
ولا عبدالحليم ظهر وغنى بحبك يا حمار..
ولا فيه طوابير بتقف باليوم قدام الفرن..
ولا لينا ريس حاكمنا بقى له نص
قرن..
لا لا يا راجل ده برضه اسمه كلام..
تصدق أى افتكاس بينشره
الإعلام؟؟..
اللى قولته ليك ده عمره ما حصل ولا كان..
فى مصرنا الحبيبة بلد
الأمن والأمان.

يسلموووووووووووووووووووووو فعلا مصر بلد الامن والامان