نفسى يبقى الحاكم إمام عادل بس مش عادل إمام

نفسى أعرف مين بياخد كل حاجة ومين بيدى..

نفسى أعرف مين معايا ومين بيعمل حاجة ضدى..

نفسى أعرف فين شقايا وجهد أبويا

وشغل جدى..

نفسى أشوف اخترت مين اللى حلفته اليمين..

لجل ما يصون عرض

وطنى.. لجل يبقى عليه أمين..

الوطن اللى استلمته من إيدين الشقيانين.. اللى

فضلوا طول حياتهم فى عرقهم غرقانين..

هما دول أهلى وناسى اللى عاشوا عمر

قاسى..

كنت أنا باتمنى يعنى الزمن يطلع مقاسى..

وإن صوتى تملى يوصل

للى قاعدين عالكراسى..

وأن ألقى لقمة حلوة جاية من شغلى وفاسى.. نفسى أشوف

الناس بتعشق شغلها وتخاف عليه.

. نفسى أشوف الناس بتفهم دا حصل إزاى وليه..

نفسى أشوف الناس بتعرف تبتدى دايماً بإيه..

نفسى يبقى العدل باشا أو أمير

أو حتى بيه.. نفسى أشوف العدل ماشى

فى الشوارع والحوارى.. مالتقيش ستات

هوانم جنبهم ستات جوارى..

نفسى أشوف الأب دارس والولد فاهم وقارى.

. نفسى

أشوف الحكم شورى مش هبل بقرار وزارى.

. نفسى أشوف منظومة تدفع المواطن

للأمام.. يعرف إن الخير ييجى بالعمل مش بالكلام.

. يعرف إن جهده بيتحسب

بيساوى كام..

نفسى يبقى الحاكم إمام عادل بس مش عادل إمام!.

صدقونى

مصر غالية أغلى من روحنا وعنينا.

. بس مش حاتزول همومها أو جروحها إلا

بينا.. إحنا مهما بعدنا عنها حتلاقيها عايشة فينا.


. لو حاتطلع من قلوبنا
يبقى متنا وانتهينا!



!