حافظ على من تحب قبل ما يضيع منك

المدير العام الجنس : 437 تاريخ التسجيل : 20/09/2010

نبتدى ونوجه كلامنا للشباب

عاوزين اية يا شباب غير واحدة تتقى اللة فيكم وتحبكم بجد

عاوزين اية ياشباب غير واحدة انت عارف كويس قوى انها اختارتك وفضلتك عن العالم كلة

عاوزين اية غير واحدة وثقت فيك وامنتك على نفسها

عاوزين اية غير واحدة ضحت معاك بعمرها عشان تستناك لحد ما ظروفك تتحسن وتروح تتقدم لها

عاوزين واحدة تدخلوا بيتها وياعالم طبعها اية ولا عملت اية ولا هتتقى اللة
فيك ولا لا ولا واحدة كل اللى يهمها تجبلها شبكة بكام ومعاك كام وانت ***
مين وهتدفع مهر كام ويا عالم

هتحبك ولا هتفضل ليها الرجل اللى يجيب ويجيب ليها اللى عوزاة وياترى هتحافظ على بيتك واولادك ومالك وحتى انت ولا لا

بسال كتير لية الرجل لما يكون معاة واحدة بتحبة بيضيعها من ايدة

لية بيقسى عليها ويعاملها وحش ويتحكم فيها اعملى وماتعمليش وهى فى بيت
ابوها وممكن تبقى فى لحظة مالهاش قيمة عندة لو ماعملتش اللى هو عاوزة ولو
راح لواحدة يخطبها مايقدرش

يقولها تلت التلاتة كام هترد وتقولة انا فى بيت بابا لسة انت مالكش حكم
عليا وهو هنا مش هيقدر يزعلها زى ما كان بيعمل مع اللى بتحبة لان مع اللى
بتحبة مخسرش حاجة كان ضمنها فى

ايدة لكن اللى راح وخطبها هيخسر كتير سبحان اللة

مين اقرب ليكم اللى كنت بتحبها ولا اللى عجبك شكلها واصلها وروحت لحد بيتها تترجى موافقتها

مع انى اللى بتحبك مش عاوزة منك غير كلمة حلوة حبتك لانها احتاجتلك احتاجت
لحضنك ولحنانك عليها واحد يريحها ويقدرها ومايزعلهاش تتفق معاها على الصح
والغلط تحترم زعلها

وتقدرة تعيشها ملكة زمانها بحبك ليها, تبقى ديما جنبها فاكرها فى السراء والضراء يعنى مش بمذاجك تنساها او تفتكرها

لو اختك هتتمنى لها واحد يبهدلها ولا يزعلها ولا يجرحها ولا يبخل عليها
بشىء ولا يخونها اكيد لا لانها اختك ومتناش ان اللى حبتك كمان بنت ناس ولو
ماكنتش بنت ناس ما كانتش حفظت عليك

اسالوا نفسكم كدة بعد اما حبتك وحفظت عليك ووقفت جنبك وضحت معاك بعمرها وسمعتها هيكون جزائها منك اية

الخيانة ولا الجرح ولا لاهانة ولا المعاملة الوحشة وعدم تقدير لكل اللى
عملتة معاك وفيك مهما كانت هى ماتستهلش غير كلمة حلوة معاملة كويسة حضنك
الحنين وعاشروهن بالمعروف

واحترامك لذاتها وتفكرها وارائها

ماتسألوا نفسكم انتم بتعملوا اللى يزعلها ولا بترضوها ديما ولو بتزعلها على
قد ما ادتك بتعرف تصالحها وتراضيها والقلب اللى حبك ما تجرحهوش عشان ما
تبقاش عدوة وتكسر جواة الحب

اللى كان ليك مش كتر القسوة تعلم الجفا ولا اية

ياترى مين الاحسن واحدة بصيت لها وعجبتك قوى ولا واحدة بتحبك قوى

البنات مخلوقات رقيقة جدا مش عاوزين الا المعاملة الرقيقة وعطفك ايها الرجل
عليها ومش عاوزة واحد يبهدلها اتقوا اللة يا شباب فى بنات الناس قسوتك
عمرها ما كانت رجولة ولو عاوز

تعمل لنفسك شخصية يبقى لازم تحبها قوى وتبقى حنين عليها مش تعمل اللى انت
عاوزة وتقول انك راجل وهى بنت ذى ما انت فية حاجات بتزعلك هى كمان عندها
حاجات بتزعلها وتخليها تخرج عن شعورها

اكيد انتم عاوزين واحدة تعبر عن حبها ليك بكلام ويبقى دى عندكم اللى بتحب
وبتنسوا ان مش لازم الحب يكون بكلام الحب كلام وافعال وبتنسوا دوركم كرجالة
انكم اجرأ من حوا اللى ربنا

انعم عليها بنعمة الحياء ولو الواحدة اتكلمت تقولوا عليها دى بنت جريئة
ولفة واللة البنت عندها استعداد تضحى بكل شىء بس لو حست بالامان واتاكدت
فعلا بحب الرجل ومعاملتة الكويسة
ليها ما يعملش اللى يضيقها ويقول عليها دى ست بتحب المشاكل والزعل

اى بنت بتخرج من بيت ابوها تحب ان يكون ليها مملكة خاصة تكون فيها هى
الملكة المعززة المكرمة ليها كيانها عند جوزها عشان كدة البنات بتدور على
واحد يحبها ولما تحبك ايها الرجل لم

تنتظر منها غير الاخلاص والحب وانت زوج ليها اما قبل الزواج بتبقى حريصة كل الحرص انكم تكونش لغيرها او تسيبها او تتجوز غيرها

عشان كدة الراجل دايما اللى بيصرح بحبة الاول وبعد كدة بياتى دور البنت فى الحب

حافظوا على من تحبون كى تعيشوا ديما فى سعادة فى ظل حنان امراة واخلاصها ليك ايها الرجل

__________________

احفظ الله يحفظك
اتق الله حيثما كنت